Проектот и тимот за новата сезона е комплетен - најдобриот македонски ракометар и натаму ќе игра за најдобриот македонски тим!
Филип Кузмановски го продолжи договорот со шампионот на Македонија, Еурофарм Пелистер, за уште една година и ќе го предводи тимот во одбрана на домашната титула и во походот во Лигата на шампионите. Капитенот на македонската репрезентација и капитен на Еурофарм Пелистер стави потпис на нов договор и ќе го продолжи својот победнички пат, кој започна уште од неговото доаѓање во Битола во ноември 2023 година.
Најмладиот тим во Суперлигата за сезоната 2025/26, Еурофарм Пелистер 2, го комплетира ростерот со кој ќе игра натпревари за бодови од септември годинава. Еден дел од тимот ќе бидат момци кои се дел од младинската екипа, која го освои четвртото место во првото издание на младинската Лига на шампиони.
Напредокот на нашите најдобри млади ракометари е видлив и затоа клубот ги наградува со нови договори и промоција од младински во сениорски ракомет. Два важни елементи во прогресот на младинската екипа на Кире Митревски и Фарук Мемиќ денес ставија потпис на прв професионален договор со нашиот клуб.
Чувствуваме дека ова лето нашите навивачи, симпатизери, приврзаници нестрпливо го чекаат стартот на сезоната 2025/26 и натпреварите на нашите екипи. Затоа многу порано од претходните сезони ви нудиме можност да го обезбедите вашето место во спортската сала „Боро Чурлевски“ за сите домашни натпревари.
Новиот суперлигаш Еурофарм Пелистер 2 има нов десен бек за сезоната 2025/26. Клубот ја следи својата стратегија млади македонски ракометари да го сочинуваат костурот на тимот. Во тој правец денес потпиша договор на четири години со еден од најголемите таленти на својата позиција во нашата земја.
Македонскиот ракометен шампион Еурофарм Пелистер со домашен натпревар против ППД Загреб ќе ја стартува новата сезона во Лигата на шампионите. Натпреварот во салата „Боро Чурлевски“ во Битола ќе се одигра на 10 или 11 септември. Во вториот меч пелистерци ќе му гостуваат на Пари Сен Жермен.

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.
Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.
Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.
Декември 06, 2025 by RK Eurofarm Pelister
Декември 06, 2025 by RK Eurofarm Pelister
Декември 05, 2025 by RK Eurofarm Pelister